سلام يارع الطيــب=يا من بكم خاطري طايــب
ودي بطرقه معك ياذيب=يطرب لها خاطر الشايــب

القاف اصفه بلا تعذيــب=صفة صفوف الكتايــب
اهلين ياخالي امن العيــب=عنك الوفا والنقا نايــب
انتم هل الاوله بتجريــب=مكسب وخير الكسايــب
الظن فيكم ابد مايخيــب=ضني بكم دائمآ صايــب
ودي بسجه معك بالجيــب=في ديرة(ن) تشفي الصايــب
في خوتك الجروح اتطيــب=انسى سموم ولهايــب
يالله عسى عنكم مايغيــب=الشايب اللي لكم جايــب
وانته عسى مايجيك الشيــب=واسلم وسلم على الشايــب