بعيونهـا مـا تنظـر الا للرجـال
اللى غلاهـا مثـل قلبـه وعينـه
اللي كساها احلا الفساتين والشـال
التاج صاغه شاعـرٍ مـن مزينـه
اللـي لهـم دورٍ حقيقـي وفعـال
مع النبي المصطفـى بـا المدينـه
حنا اهل البرده واهل زين الامثـال
بانت سعـاد وجايزتهـا الثمينـه
تصدرت شعر العرب عبر الاجيـال
ماكنهـا الا غـرةٍ فـي جبيـنـه
وربعي قبيلة حرب ماضين الافعال
تاريخنـا كـل العـرب عارفينـه
حرب الحرايب مدبـة كـل عيـال
حتى يموت من القهـر والغبينـه
والازمنه تشهد على واقـع الحـال
تخبرك وين فـلان وفـلان وينـه
ولنا امكنه ووسوم ورسوم واطلال
من الساحل الغربي الى اطراف لينه
ولنا مرابع نجـد مرتـع ومدهـال
ووادي الرمـه بأيمننـا محتمينـه
يفرح بنا المضيوم لاحـده الجـال
والمعـدم اللـي خاليـاتٍ يدينـه
اللي زبنا زابنٍ لـه علـى اجبـال
انخلص المطلـوب مـن طالبينـه
هداتنـا تشفـي ومداتنـا اجـزال
وفزعاتنا تفـرح قلـوبٍ حزينـه
غيثٍ اليا منـه وطـا وادىٍ سـال
ونصرٍ يبشر با الفـرج محترينـه
وهذى فعايلنا جديـدات واسمـال
لو يزعلون اهل الحسد والضغينـه
وكل العرب فيهم مشاهير وابطـال
أشبال مـن ذاك الاسـد وعرينـه
اللى لهم في قمـة المجـد منـزال
يستاهلـون النعـم ومحصليـنـه
يدعا الفتى باصله ومربـاه قتـال
والفضل في علمه وحلمـه ودينـه


صح السانك
والنعم في حرب
ونعم بمزينه
وشعرنا القدير
اركان حرب
بدعت وابدعت
تقبل مروري