الزمل حنت باول القيظ ياهن=وراع الولع من دونهاما استراحي
امست ترازم و القوافي ولعن=يوم المهيل من عنا النار فاحي
باح الكنين وبيحه صافي البن=وصوت الربابه سد ما أوحيه باحي
علم(ن)وكاد و لابها شك(ن)وظن=ياما سرا بقلوب ناس(ن)جراحي
عسفت عفر بكارها من غلاهن=يوم الخيال بساحة الحرف لاحي
حاولت ابين كل ما اونست و اكن=على الورق يوم ازرق الحبر ساحي
وين النجوم اللي عن العين غابن=والليل توه ما غشاه..الصباحي
وين الذهيب اللي على العد يردن= والعد جما و ادفنتها.الرياحي
هلت بي العبره على الخد يومن=اذكر زمان العام . والعام راحي
لكن على الله خوف ينقال ياهن=زمل(ن)ترازم سد مغليه باحي