في ليلة ٍ زادت على نورها نور=والوقت تبقى في جبينه علامه
بانت وغطى نورها كل ديجور=هلت كما بدر الدجا في تمامه
يامرحبا من بال نشطان 00مسرور=باللي قدومه مثل وبل الغمامه
الشيخ ابوايمن له المجد ماثور=بين العرب دايم رفيع ٍ مقامه
من ساس عزٍ فالمواقيف مخبور= توارثوا في حرب بيت الزعامه
اهل الكرم والجود في عسر ويسور=واهل المروة والوفا والشهامه0
ميفافهم للكل واضح ومنشور= من الشمال لنجد حتى تهامه
هداتهم هدة شياهين وصقور= لاجات حزات الوغى واحتدامه
ووقفاتهم تجلى عنا كل مكدور=يشهد بها التاريخ يوم الرغامه
واللي لهم مثبوت ماهوبمنكور= شمسه منيره مايصلها عسامه
اهل الاوايل للملا عدها 00نور=عبدالعزيز الله يغمد عظامه
واثنّي الترحيب من طيب وسرور=باللي حضرنا من جنوبه وشامه
لبيتوا الدعوة بتشريف وحضور= وحضوركم للقلب غاية مرامه
في بيت عز ساسه الطيب معمور= دونه رحالٍ يحتمون الكرامه
الشيخ صالح بالجزيلات مذكور=وربعه معه وقت المواقف حزامه
اقولها وان كان قصرّت00معذور=كلٍ حسب عرفه يورّد كلامه
وصلوا على من جاله الوحي دستور=شفيع الامه في نهار القيامه