سلام الله على أهل المعرفه والماقف المشهود=رجالٍ من كرمهم جيتهم للمنطقه عاني
أنا حربي شبابي كان طق العود رأس العود=وهاذي طيبه حربي يشرف حفل عتباني

هلا يامرحبا في حلة أهل المرجله والجود=أقوله وأثني الترحيب للقاصين والداني
ترى لا قلت هاذي ياشبابي ماعلاكم زود=ولو تملك عصا موسى على خاتم سليماني

عساك فيك البقا ياشاعرٍ مع كل عيد يعود=علشان الرجال أهل الوفاء مدري علشاني
ليا جات الصحيح الوافي اللي يبذل المجهود=يبا يشهد له الاول يبا يشهد له الثاني

أرحب بك وأهلي بك ولي نيه ولي مقصود=عليه من حزامي لو تدرهم ماتعداني
محمد دوب يمشي في طريقه والسحيمي عود=تبا تصبح سوالفكم ياحرب اشكال والواني

ياطيب العلم لكن الصحيح اللي عليه شهود=تبا تسري لحالك مثل اخوك الذيب سرحاني
أنا مالي دخل باللي تسويه الليالي السود=مادام المشكله بين الحبردي والعضياني

تبا علم الصراحه يامحمد ماوراكم فود=أنا اشوف الجماعه عودوا شعار من داني
بريده كلها قومان وعنيزه ماغير زيود=أنا عندي خبر فيكم بلاء يالله لا تبلاني

دريت إنك محابي مير سولف والنقا مجرود=عتيبين يحب المدح دام المدح مجاني
ياابونجم امسك الرجال مدامه هنا موجود=ترى العتبان بعنيزه بدون اقصور جيراني

أنا ماني محابي وأنت سولف والبراء مردود=ومدحي كاسبه من فعل ابوي وفعل جداني
ياابونجم امسك الرجال قدم انثور البارود=عتيبه ماتدخل فأهل رابغ وأهل عسفاني

ترى طلعة كرا لفات والفات بس قرود=ياربي لا تبارك في أهل الفات من داني