في منتها عام مبدا عام = نمشي والايام نحسـبها
يـــامرحبا لضيوف نظام= والناس ندري بواجبها

دايـــــــم كذا حالة الأيام = تقفي وحــــــنا نراقبها
تبقون وأنتم رجال حشام = وحناهل الطيب نكسبها

كلمة هلا للعلوم خطـــــام = واهل الوفا ما نتعبها
صحيح تستاهلون وسام = واسلافـــنا ما نسيبها

ندري بكم في الوجوب حشا م = قومٍ رفيعة مراتبها
وان عندك اعلام هات اعلام = حنا المعاني نرتبها

باغين نمشي على قدام= ولبنان فكو مكاتبها
صحيح من طاب لك ما دام= من شرقها لا مغاربها

أهل العزم تتعب الأقدام =حتى تحقق مطالبها
ومن عاش تالي العمر فاحلام =ماظن يجني مكاسبها

يابو عمر للحياة أحكام = وبنت العرب إنت خاطبها
وبعض العرب فالبحر عوام = وكل المشاكل يطببها

ماكل راعي كمر وحزام = يجرى على البنت يخطبها
وكم رجل طب البحر ماعام = واهل البحر في قواربها