ياصفوف اللعب ابن ميزان في جيبه رساله=والحقيقه لو بغاها بالنهايه ماوجدها
له ثمان سنين مدري ويش علمه وش مجاله=والجبال اللي يفتش في حصاها كم عددها

أنت شرقي تشرب الفنجال وتكب البياله=ضلعها مدري يبين برجلها والا بيدها
ويش ابأخذ منك ياعصر التخلف والجهاله=امكم يالله مع الله ولد ماهو ولدها

معجبك مهد الذهب يوم الذهب غطا جباله=وإن نسيت الأولات التاليات أمر وأدها
المطيري يوم ورد حجته ماهو لحاله=حجته نقطه على القرطاس والسبحه سندها

الصحيح اللي يعلمنا عن الحربي خباله=مايعرف العافيه غير المريض اللي فقدها
ياعسى ميقاعها بذياب والا في عياله=مايعلم عن مجم البير غير اللي وردها

الحقيقه مايعذرب بالرجال الا الحثاله=والأوادم شرها من بغضها وإلا حسدها
خلها تسري وشف غير القديم من الوكاله=البيوت اليا تحرك ساسها تكسر عمدها

ياصلاه بلا سجود وصل ياراعي صلاله=المخيله خيلت واقبل على رأسك رعدها
انكسر غصن البشام اللي يضللكم ضلاله=والحروب حروب لو إن البلد ماهو بلدها

كبروا صفين من دونه ويعني كم بقاله=المطيري عقب هاذي لا وراها ولا بعدها