المشاركة الأصلية كتبت بواسطة هاني الهنيدسي

***
***
***
***
***
جرت هذه المحاورة في منزل الشيخ / شلاح بن حميد الهنيدسي يرحمه الله
بين كلا من العملاقين
جبارة العروي & حامد بن ضيف الله المعبدي

جبارة العروي=
منا على راعي المقدار =اللي مكمل مواجيبه
سلام شامل من الخطار = للشيخ شلاح نبديبه
حامد بن ضيف الله=
بقدومكم شعت الانوار = والنور لا شع نمشيبه
يامرحبابجملة الحضار = وكل لافي نحيبه
جبارة العروي=
عسى البقا واقبل المعذار = يامن غمرنا بترحيبه
ماباس في اللي عليكم سار =اللي من اول ماندريبه
حامد بن ضيف الله=
العذر من واجب الاحرار = ماعندنا في الوفا ريبه
مدك وفا ماعليه خيار = ومن قبل تبديه مرهيبه
جبارة العروي=
تكميل ابا اسئل الشعار = في شان قلبي وتعذيبه
كل يوم تجنح بي الافكار = باللي لنا طول الغيبة
حامد بن ضيف الله=
المرء مرهون بالاقدار = اللي تخطاه وتصيبه
لكن يصمد ولا ينهار = قدام الافكار تغديبه
جبارة العروي=
كل ماجتمع للفرح سمار = القلب له ناس تشديبه
اعيش ليلي على التذكار =اتذكر اللي يغنيبه
حامد بن ضيف الله=
اللي تغيب عن الانظار = قلبي وقلبك يهذريبه
ودمعي على فراقهم مدار = ومن فوقه العين تصخيبه
باقة عليهم من الازهار = طيب على طيب ياطيبه
مسكانهم جنة الابرار = هذا املنا وراضيبه