يـا مرحبـا ترحيـبـةٍ نعتبـرهـا=واجب علينا نقولهـا فـي ملاقـاك
نقولهـا فالحفـل واللـي حضرهـا=حضروا صقور مثلـك و شـرواك
وجيتك هـذي كـم لنـا ننتظرهـا=واكبر سعاده عندنـا يـوم شفنـاك
اميرنا اللي خطوتـه مـا قصرهـا=حيوبك أهل خليص و خليص حياك
ومحافظـة خليـص نـوّر قمرهـا=وخليص لو يمشي بالأقدام ناصـاك
قادت مخايلهـا و أمطـر مطرهـا=وجانا المطر يابـن معمـر بماتـاك
ونقولهـا باسمـك ونعلـن خبرهـا=وانت من اهل المجد و الطيب مبداك
وانـت أميـن لدولـه الله شهرهـا=ملوكنـا سبحـان خـلاّق الأمـلاك
بخـادم البيتيـن ربـي نصـرهـا=خدمة شرف يا سيّد الناس تزهـاك
خدمتـك للإسـلام كـلٍ شكـرهـا=عملت خير والله على الخير يجزاك
وشعبك معك من برهـا لا بحرهـا=في طاعة الله يا أبيض الوجه طعناك
وولي عهـدك بالشجاعـه حكرهـا=تسلم لنا يمنـى عضيـدك و يمنـاك
عبـدالله اللـي نظرتـه لا نظرهـا=ترفع علم هذا و تطـرح علـم ذاك
كيد العدى عوّد لهـا فـي نحرهـا=ولا ينجح اللي فالمواقـف تحـداك
والنائـب الثانـي جيوشـه نشرهـا=لحمى الوطن يحماه ربي و يحمـاك
بـآل سعـود المملكـة الله عمرهـا=إنت الزعيم و قايد الجيـش يبـراك
وصلاة ربـي عـد مطلـع ثمرهـا=عليـك ياللـي آمـر الله بذكـراك
يا مرحبا مرحبا أعداد وبـل المطـر=واعداد ما تكتـب الاقـلام فأوراقهـا
ترحيبةٍ من نزول الدار مثـل الثمـر=من منبع الطيب و الطيب من أخلاقها
بمحافظ خليص و اللي فالعزيمه حضر=ونقولها مـن قلـوب تعبـر أشواقهـا
فرحوا نزول البلد من يوم جانا الخبر=جات البشاره وقلنـا يكمـل إلحاقهـا
خليص نوّر وزاد النور عـز وفخـر=واليوم تمت لنـا الفرحـه ونشتاقهـا
إنت حملت الأمانه مـن ولاة الأمـر=فيك الثقـه و الثقـه وثقـت ميثاقهـا
وفقك ربي على خدمة طوال العمـر=خدمة شرف لمثلـك وانـت تتطاقهـا
الطيّبه من نصيـب الطيّـب المعتبـر=سبحان رب العبـاد موفـق ارزاقهـا
انتم نظرنـا و حنـا نقتـدي بالنظـر=ومساعدتكم نـزول خليـص نفتاقهـا
وصلاة ربي على المختار سيد البشر=شفيـع الأمـه محمـد عنـد خلاقهـا