البارحه يالزبيدي ماحصل ليه=عكر لي البال والاعصاب حرقها
فلم درامي وممزوج بكوميديه=على البطل كامل ادواره منسقها
هيض هجوس القصايد ناره الحيه=وصوت للفكار مغربها ومشرقها
طرباق مدري خبيث او هو على نيه=تسوقه طرابيق وخطامه تطربقها
والمزنه اللي مسوي ليلها فيه=لجاج رعادها لعاج بارقها
ياجعلها لصلف ريح ماذكر زيه=يضرب على جنبها حتي يفرقها
اخيل فيها سخط دلهم وموذيه=وسيل يبا يخرب الديره ويفلقها
لو قالت البدو غيث وفيه محريه=يروي لها الارض وبريحه ينشقها
في قوم عاد العضه يالشيخ مرئيه=تخيل برق السخط حتى انه امحقها
قالو هذا ماطر يسقي أرم ميه=حتى انكشف ريح رب الكون مطلقها
صلفه مبدل بعالي أرم حدريه=وشره نزل فوق طيبها وفاسقها
مير الستر ياعليم بكل مخفيه=وخافي صدور العرب يبقا بخافقها
ودك بمن ماعليه العرف ماريه=مايلد عينه على القمه يبحلقها
وودك معاذير رجل اقبح من السيه=يشل ربي لسانه قبل يطلقها