ياليل ياليل السعد والشاعر الفاضي يقوم=نبا نبيع ونشتري فالسوق بيع ومشتـرى
والشاعر الماهريقرب جاي وتزين العلوم=ومن لايحقق مكسبه تراه لازم يخسـرى

مانيب بفاضي بس بعلمك بسلوم القروم=كلمتك هذه خلها واختار شـيً مثمـرى
هون على ممشاك لاتغتر في كثر الحلوم=وان شفتها بالصامله قدام لاترجع ورى

الشك زايل يامحمد مار كب أنت الوهـوم=لاتشك يارجال فيه وأنت رجـل موقـرى
من قال أنا مغتر ظالم نفسه النفسه ظلوم=وأنا الخطيب اللي متوج خطبته فالمنبرى

ياجب عليك تجيبها حسب العوائد والسلوم=بكره تجي مع ناس مامعهم كتاب مسطرى
هذه تراها حرص مني وانت رجالً فهـوم=هذا كلامي ياطويل العمـر فيـه معبـرى

الله يدبرني على حسن التصرف فالـزوم=مدام اني مخلوق طايع خالقي ومدبـرى
وافي تراك أنته واعرفك من قويين العزوم=ياللي كتبت الخط خطك قد وصلني ونقرى

الله يسترنا بستره كل ليـل وكـل يـوم=وحنا تحت حكم الولي مافيه واحد مخيرى
ماني سروق ولاتعلمت الكتابه من رخوم=والخط من يمناي ماخذته من تحت الثرى

مادامـت الدنيـا لنـاس قبلنـا والا تـدوم=ماحدٍ مخلد لاملـوك ولا وزراء والاومـرى
وش حدك أنته للرخيصه يوم جيت الهاتسوم=أرق الجبل لاتنزل الوادي ترى قدمك كـرى