يامرحب ترحيب حفوه وتقدير=ترحيبتن فيها تشكر وعرفان
مني لتركي من على عبر الاثير=الابلج اللي كنه السيف شامان
عقب الرجال مكرمين الخطاطير=محداً جهل تاريخهم ماض الازمان
من روس حرب موردين البواتير= سواقت العطفه مطاليق لايمان
نحسب حسبهم باليال المعاسير= يوم الجزيره كلها مابها آمان
اقولها باشيخ من غير تزوير =وثباتها يوم النضاء زار عسفان
جونا على صم الحوافر مغاوير=لين انجلا ضيم القبيله كما كان
لاهنت ياتركي فدوك المثابير=نقالت النمه وراء فلان وفلان
اهل البشع لاصفقولك جماهير=كلٍ من الغيره غداء وجهه الوان
شرذمتٍ مالله جمعهم على خير=مثل الرباء زوده على الحال نقصان.
حولبهم كابوسهم مع دحادير=مايهتدي قلبً غطاه اسود أران
هيمن بوحدتهم بليغ التفاسير=يلحق كما يلحق خبيث السرطان
فدوه لتركي والرجال المناعير=نطاحت الواجب على الدراك وتقان