احد(ن)تمنى عـن حضـوره غيابـه=
احد تمنى فـي حضـوره لياغـاب=
احدن معـه قـوه ولاحـدن يهابـه=
واحدن لحاله والبشـر مـه اتهـاب=
الذيـب لـولا مخلبـه ثـم نـابـه=
كان البـدو ماشفتهـا منـه ترتـاب=
ياكثـر قومـن باللـقـى ماتجـابـه=
وياكثر قـوم ردهـا لحالـه عقـاب=
ماضاع حـق وفيـه للحـق طلابـه=
وكم ضاع حق ومن ورا الحق طلاب=
عايشت هالعالـم وشفـت الغرابـه=
وايقنت انا نعيـش بالعالـم اغـراب=
رسولنـا يوصـي بوصـل القرابـه=
واقرابنا توصي على قطع الاقـراب=
حتـى وصلنـا ليـن حـد الكآآبـه=
صارت قناعتنـا بـلا ايـة اسبـاب=
مـدري تغيـرنـا اونــا نتشـابـه=
او وقتنـا هـذا بمافـيـه كــذاب=
الـوقــت الاول عزنايعـتـزابـه=
واليوم اكبر همنـا جنـي الالقـاب=
غنيـنـا دامــه ردي مرحبـابـه=
فقيرنـا طيـب ولافيـه تـرحـاب=
يوم الشنـب لـه نخـوةن ينتخابـه=
واليوم لالحيـه ولا حولـك اشنـاب=
نجرح بعض ونقول ويـن الاصابـه=
ولافيه منـا ماهـو اليـوم منصـاب=
قلنا عـرب حنـا وصلنـا السحابـه=
الا كـلام ونكتبـه داخـل كـتـاب=
حنا عـرب سـؤال يبغـى الاجابـه=
فعلا عرب لاكن من ايات الاعـراب=
الداب عمره ماقـرص ذيـل دابـه=
وين العضه من رحمة الداب للـداب=
يالله هونـهـا عليـنـا بـرحـابـه=
نصير صف ولاتجي بيننـا اجنـاب=