الوقت طال وطول الصبر والصمت
وانا اتحـرا منـك رد العلومـي
واجـر ونـات الالـم لتالـمـت
لضاق صدري من تراكم همومـي
هاذي ثلاث ايام ياعيـد مانتمـت
لجيت ابى ارقد يزعجني حلومـي
لكن لو طال الزمـن ماتحطمـت
ولو طال صبري ماتردت عزومي
حتى ولو انـي كتبـت وتكلمـت
ما ابيح سد ولا اتعـدا سلومـي
انا من سنين التجـارب تعلمـت
اني مااكون بكل حاجـه كتومـي
يامرحبا وهلا فيك اخوي الغالي والقدير وشاعرنا الرائع
ابوسامي
صح الله لسانك ولاهان شانك
لا غريب في الجزاله وفي بوحك الراقي
تقبل تقديري واحترامي لشخصك الكريم