يامرحبا بالضيف واللي بعدها هاك فنجـال=دايم ننادي لنشامـا ونتعـب فـي طلبهـا
حنا بذلنا لاجل جار الوفا برجـال واريـال=كان الخلف جاهل فاكيد السلف عنهم حجبها

دام البقابك وانت رجال واللي معك رجال=نـار لاشبيتـهـا قـلـت لــك زوّد حطبـهـا
الشكر لله ثـم لملـووك حكـام ٍ لهـا افعـال=الاولـــه للجارتاريـخـهـا الاول كـتـبـهـا

انا ادري انك وسط ميدانها صوال جـوال=مير اليالي تختلف والفهيم اللـي حسبهـا
اللي عطا خاروف ماهو كما اللي قدم اجمال=من شانكم مر اليالي تصبـر ثـم شربهـا

بطن السما معروف وهلال غاب ويطلع هلال=انت التفـت للهنـد والصيـن يامكثـر شعبهـا
ياهونـهـا ياخفـهـا يـابـدر فــي وزنــة ثـقـال=من دون حده محتزم وان تركها احمد نهبهـا

صادق لكن البطن ياصاحبي مزحوم بخيـال=اللي تشوف الحمل لابد ماتثنـي ركبهـا
ان كان تبغى الصدق والصدق يارجال ينقال=انتم وحنـا مانقصـر ليـا شفنـا لهبهـا

البرق يبرق والخطر كان سيله يابدر سـال=ـمن قـو سيلـه لايـدم الجزيـره مـع عربـهـا
الناس راحت كلها تشتقي في قوت الاجيال=اللـي بقـت عنـده منيحـه لغيـره ماحلبهـا

حنا نخيله جنب من داركم ثم ياخذ اشمال=اليا غلبنا الامر لحيه ولايقصر شنبهـا
لولا قديم الوقت راسك مايثبت فوقه اعقال=فالدين ولاجهل حق العرب تذكـر نسبهـا

احدٍ يصارعها بزنده وأحد في رووس الاموال=احدن علـى درب العـرب دايـمٍ رجلـه شذبهـا
البـاب لـه مفتـاح لـكـن انــا حصـلّـت مـدخـال=اهل الذهب ماتعطي الناس من غالـي ذهبهـا