سلام من شاعر يطول الجزل ويحل العقـد=لاهل الخزامى كاسبين الطيب والعلم الجميل
الوقت خلا الغث له سوق ومحبيـن وبلـد=وقتٍ قنب ذيبه وشيّخ راعي الذيل الطويل

يامرحبا من شاعر(ن) يبني وبنيـه بالعمـد=بصاحب اللي فيه عدل وفيه بعض احيان ميل
والله مانزل سوقها لوكـان تكثـر فالوعـد=لابارك الله فيك ياوقت(ن) مشيخ لك ذليـل

بعض العرب في ساحة الميـدان خلـوه وقعـد=لولا فزوع(ن) جات من عسفان مدري من طفيل
الله يا حامـد يخلـي لـك ولـد عمـك حمـد=على الاقل انه تحلـم يغمـد السيـف الصقيـل

بعض العرب ماينزل الميدان واشوفه شهـد=والى بغى يسير يدور له من اصحابه صميل
اللي تجيب الناقصه تبشر بحبل(ن) من مسد=هذا الحصيل ان كان ودك يالعتيبي بالحصيل

مانته بهاك الفارس المقـدام تـوك فالمهـد=لو حملوك الحمل تبرك في محلك ما تشيـل
الله يمسي مسفرة بالخير لـو هـي فالحـد=خلت من التاريخ علمٍ(ن) ينقله جيلٍ(ن) لجيل

اكثر علوم اهل الهـوى ماتنوخـذ ماتعتمـد=ياكم رجل(ن) نحـده ثـم يعطيهـا المسيـل
جـات الفريسـه لصقرقـدام ميعـاد الهـدد=جاته من اللي يطلم العايل و يعط الضيف حيل

اشوف عزمك عقب هاك الهيلمة ضعف وبـرد=وهذي عوايد من يروغ ان حسه الدرب الطويل
لطامة العايل عطوك دروس ما تعطـى لاحـد=وان ماقعد قلبك بعدهـا فالوكـاد انـك هبيـل

نبا نرد السيف دام الناس هرج بلاجهـد=واخاطب الجاهل واسنده وانحيبه قليـل
اتعبتني واللي زرع زرعه بيبطي ماحصد=لكن سوق السالفه مع غيرنا تلقى قبيـل

انته حدرت مع الشعيب وحظك اقشر وانقرد=وانا رقيت الضلع وانته ليلك المنحوس ليل
الحر الاشقر ستّل جناحة وبالحـوم انفـرد=للصيدة اللي قلبها يرجف ومدمعهـا يسيـل