فواز الزويهري=
سلام سالم من الشكـات=مثل العسل يعجب السايم
نبغى لنا فالمثل بصمات=حولين يهل الهوى صايم
بحر الكسرة =
يامرحبا وابرك الساعات=فزيت مما جـرى قايـم
هات الذي زود الوعات=واشوف هذا العنى ضايم
فواز الزويهري=
عسا البقا فاحسن الحـالات=ولا تشوف في ذا الزمن لايم
ياصاحبي صاحب الفزعات=زرعي يبس والسما غايـم
بحر الكسرة=
الزرع يثمر من القطرات=ان كان جاه الروى حايم
مادام سالم من العاهـات=يعطيك من جودها دايـم
فواز الزويهري=
هذا الذي عقـب الويـلات=قدام عينـي وأنـا هايـم
كل ما رتجيت أرفع الرايات=يضرب هدفها على القايـم
بحر الكسرة =
لاتزيد نفسك شقـى واهـات=مـادام تسهـر وهـو نايـم
ان كان تشرب جفى جرعات=خليك وسـط البحـر عايـم
فواز الزويهري=
مثلي أسير الهوى مابات=والجرح ماهـو بمتلايـم
ولا يغرك البحر بالنسمات=موجه على مركبي زايـم