السلام عليكم ورحمة الله وبركاته
يشرفني ويسعدني أن أكون أحد أعضاء هذا المنتدى الشامخ منتدى قبيلة حرب العزيزة والغالية علينا
وأحببت ان أهدي لكم هذا الموضوع الذي أتمنى أن ينال على رضاكم
محاورة بين الشاعرين
علي بن نايف بن ذويخ الغامدي
سعود البرقاوي العتيبي
الغامدي
سلام والبارق بعرض النوء والوجهه جنوب
والخير مقبل والبدو دايم تسـوق ضعونهـا
ياسعود هبت من جهة برقا ذعاذيع الهبـوب
وأظن عساس الخباري ماتجي مـن دونهـا
العتيبي
يا مرحبا ترحيبةٍ منها يطيبن القلوب
آقولها في ساعة ما يختلف قانونها
الخير واجد والوعد قدام والوقت محسوب
يالغامدي وشلونك انت وعزوتك وشلونها
الغامدي
دام البقى ياللي ترحب عد همـال النصـوب
والقوم من سبع الدير لـدت عليـك عيونهـا
أخبرك وأخبر كل رجل ٍ ينتشد من كل صوب
عن ربعي الهيـلا واظـن عتيبـة يعرفونهـا
العتيبي
المسلم الماشي على السنة صري من الذنوب
والا النصارى في نهار القارعة يلقونها
غامد قبيلة وانت عن غامد صغيّر ماتنوب
منته بذايق تمرة العرجون من عرجونها
الغامدي
أنته ذنوبك كبر ضلع النيـر لكـن ماتتـوب
لكن جنوبـك يا ولـد برقـا بوسـع كونهـا
حنا صحابة خير من سارت معه كل الشعوب
والا انت فيك أهل الوفا دايم تخيب ظنونهـا
العتيبي
ان قلت لك كلك نظر وان قلت لك كلك عيوب
اثمّن القالة واجيب طروقها ولحونها
مع كثرة الالسن ترانا نعرف لسان الكذوب
ياهل الخيول اللي تطول اذانها وسنونها
الغامدي
إن جت لتثبيت الحجج ياقرب شمسك للغروب
أنا زبون الاولـة وأقـدر علـى مضمونهـا
دام إن سيف المجد يقطع كل مخلاب ٍ نهوب
عان الامانة يالعتيبـي فـي يـدا مامونهـا
العتيبي
ان جت لتثبيت الحجج يمكن تضيق بك الدروب
روح العب العرضة مع المجنون يامجنونها
العام شفناكم جماعة في رجاء ديس الحلوب
الغامدي عنده قدح والربع في ماعونها
الغامدي
عرضة رجال وهي عوايدنا من ايام الحروب
ولا انت صفق للهزيمة لاسحبـت ردونهـا
الله وكبر صاير ٍ تدحـم متينيـن الجنـوب
وانته بضاعه جت بها الامواج في كرتونها
العتيبي
اعرض على الطبلة وحنا نلبسك غترة ثوب
هذاه فن وكل ناسٍ تعترف بفنونها
ادحمك بالجنب القوي وان كانها شبت شبوب
نبا نعوّد للسيوف اللي وسيع طعونها
الغامدي
نعرض وتعرفنا زحول القوم في قرع الخطوب
ولا انت مثل اللي تحاول في الجبـل بقرونهـا
تبغى وتبغى يالعتببي وانت مجلوب محطـوب
تـرى العميـرة ماتعـرف الا تلـم شنونهـا
العتيبي
آقول انا ماني على بعض السواليف مغصوب
اهرج مع اهل المعرفة واسمع واراعي شونها
جر الحظير وروح في فالك مثل فال السحوب
مدام لونك يا صبي غامد يشابه لونها
وسلامتكم