سالم العرم=
سلام من سالم الحربي على من حضر =في ليلة طيبها من طيب حضارها
يامحمد ابن العجي سمعت يم البحر =قعدان بعض الجمال تخالط بكارها
محمد العجي=
يامرحبا فيك بالترحيب ماننتظر=في ليلةٍ زادت الحضار بأنوارها
انكان توك دريت العلم فوق الشهر=عساك من ينقبل من بين شطارها
سالم العرم=
ابا اتهرج مع اهل العرف واهل النظر =واقول رايي واشوف الناس وش شارها
ياخوك انا في حلالي ماقبلت الخشر =الله يستر بيوت الناس بجدارها
محمد العجي=
العين يابصرها واليد فيها القصر=ما كل ناس تبى تؤخذ على انظارها
يالله على المسلمين انك تديم الستر=لو اخر الوقت قامت تطلع اسرارها
سالم العرم=
هو الغشش من وخي البطن وإلا الظهر=لا بارك الله بيمنآ خانة يسارها
ياصاحبي يامحمد لا تهاب الخطر=قوم اشعل النار مع ناس اشعلت نارها
محمد العجي=
لون سالم يفكر في عذاب القبر=ماطاع بعض العرب في طرحة افكارها
انا اعرف اللي علي ومعي قلبٍ حذر=والا انت ماهي بعيده تدخل اشهارها
سالم العرم=
اهديت لي ثوب ماهو لي قصير وشمر=وانا ثيابي تشرفني وانا اختارها
اهم شيء ارضي الله لو تضيق البشر=وانته بكيفك دلالك كثر ابهارها
محمد العجي=
انت تريد الغناه والا تريد الفقر=ما تملك ايمينها ماتملك ايسارها
من خلفك النار ياسالم وقدمك بحر=لكن تعذر ومثلك نقبل اعذارها