فواز الزويهري=
سلام والجو عـال العـال=برق ورعد والسحاب يجود
عساه يروي هل الأمثـال=اللي عليها الرجال تـرود
عبد العزيز الزويهري=
يا مرحبا و مرحبا في الحال=ياللي بطيب النبـا مشهـود
من بعد ما استقبل الارسـال=بنرضي هل القيل فالمرصود
فواز الزويهري=
عسا البقا ياعريب الخـال=ياللي من أهل الوفا معدود
هول الأسا صبلـي فنجـال=قهواني الغلب ...وحط قيود
عبد العزيز الزويهري=
و الله ما ارضى عليك الحال=يزيد و آنا معـك موجـود
عطني و قُلّي الذي في البال=حتى معك يثمر المجهـود
فواز الزويهري=
صاحبك ياصاحبي رحال=ماعاد تفرق معاه حدود
كل مانوى لزمن يحتال=رماه ضبي الفلا المفرود
عبد العزيز الزويهري=
الوقت لا مال عنك مـال=يقصر و لو الوفا ممدود
و ما كل رامي برميه نال=انت أسد و الأسود أسود
فواز الزويهري=
أتعبني الفكـر والتجـوال=قلب الأسد فالبلـد ملهـود
كل مانويت أعقـد الأمـال=نارين تصلى الحشا الموقود
عبد العزيز الزويهري=
تخلق الياس مهما طـال=عنك الأمل بالحظوظ السود
من دون شكة و دون جدال=منه صبر بالفرج موعـود
وللجميع خالص التقدير=