فهد عواضه
يامرحبا ياهلا مليون لامليار ترحاب=بالشاعر اللي عساه ان غاب ضوى بالغنيمه
عساك سليت حد السيف ياماهر يابو ناب=يومن ثار والوغي ياخي واسعفتك عزيمه
ماهر ابوناب
ياعلكم للبقا واصحاب حضروا عند الاصحاب=غبنا وجبنا المكاسب والعلوم اللي دسيمة
مااسل سيفي على الاقراب اسلة فوق الاجناب=لكن بعض المعاني يافهد يمك غشيمة
فهد عواضه
قال المثل ياولد ماضاع حق وله طلاب=وقف على ساق واخذ الحق لاتذب الخريمه
كل البشر ياجودي تطمع وتقصد كل مكساب=الا ليا كان مالك مع هل القسمه قسيمه
ماهر ابوناب
ان عاش راسي تشوف الحر راقي كل مرقاب=واللي ماعنده صبر ياذيب يبشر بالحريمة
لا ترمي الناس وانته ماعليك اعقال وثياب=تصبح جريمه على راسك تضوي بالجريمه
فهد عواضه
ياخوفتي الوقت يلحقكم ورا الدولاب دولاب=يالين يحرق بحيلك ياولد لفحته حميمه
اذياب بن غانم الزعبي ماعقب مثله ذياب=لو الهلالي عطاه الشور والارياء السليمه
ماهر ابوناب
لابد نصيبك يصيبك والله العالم بالاسباب=وانا رزقني ولي العرش بعزوم" عظيمة
انته علامك مره مع الطاقه مره مع الباب=الظاهر انك تدورلك محله مع حليمه
فهد عواضه
وش يمنع الذيب الامعط يافتي لايشهر الناب=بعض المعاذير والله يابيض الشارب قديمه
ماقلت ياشيخ قد قالوه والله طلق الاشناب=مجربين الليال واهل الارياء الحكيمه
ماهر ابوناب
انا حرابي واحارب وانت حربي ماانت حراب=من سار فالدرب يوصل للعقول اللي فهيمة
ياساتر الحال وش بك قمت تهدم بني الاطناب=كلمتك هذه تجرك يافهد يم الهزيمة
فهد عواضه
انا ولد حرب واعطب وانتي حربي منت عطاب=ومجرب الوقت كله ياولد زينه وضيمه
ادري تصافق ضميرك ياولد مابين الاحداب=لاكن صح الله لسانك وثم غط الوسيمه