الفرسني =
الليل يا شعار ناوي لي علـــــوم= والشاعر البيطار يرفع لي يده
يمكن يجيكم سيل ويشيل العموم= واللي مايعرف للسباحه يبعده
الساهر=
ياللي تدير الحوم جاك عقاب حوم= عنز عن الحجون خل المسنده
والسيل ماياصل طويلات الرجوم= لو هو يهوزه مايزحزح مقعده
الفرسني=
ياللي تعرضت المشاكل والسهوم= ترى الامور مشدده ومعقده
أن طولت بك يمكن انك ماتقوم= ما انته بلاقي لقمتاً مبرده
الساهر=
انا على دربي ولا اخطيت اليموم= ارمي واصوب الهدف واحدده
وانته تهدد كن مرسول لك لوم= وش تالي التهديد ياللي هدده
الفرسني =
انته من الهيلا تسدون اللزوم= لكن ماشفنا علوم مسنده
يا طيبكم لو مانتم كبار العلوم= وعلومكم ياكثرها ومزوده
الساهر=
يا صاحبي لاتعرض ضرب السهوم= فعل القبيله كل حيً يشده
مكانة الهيلا على روس النجوم= والكذب راع الحق ينقده
الفرسني=
حنا ترانا مانهاب من العلوم= والى زعلنا من الخصيم نقيده
ونعم بالهيلا وانا ماني ظلوم= لكن وين البيت يوم تشيده
الساهر=
ياللي جحدت الشمس من كثر الغيوم= الناس لاشافت هزيلً تنقده
مرً دفاع ومر يا الشاعر هجوم= ارجوك وضعك يالسنافي حدده
الفرسني=
مانجحد علوم الوفاء يا بن القروم= وحنا وضوح الشمس كيف تجدده
طافت عليك ورحت مع خط الجموم= والبيت الاخر فيه حرب معيده
الساهر=
البيت نسج وخيط جعله مايقوم= خذنا روس القوم من راس فرده
يا كم صباحاً للحروب وكم يوم= كم فارس ً تبكي العذارى مفقده
الفرسني=
البيت مذرى لك وسلم من السلوم= مير انت ماقدرت تجوده
ياكم ذبحنا فارسً دايم عزوم= شيخ الشيوخ موثقه ومجوده
الساهر=
عينت بن سواج مقدام الفروم= جلال مذبوحن ولا احدن يجحده
وبيت الذويبي شيل من روس الحزوم= وابا العويرا عيد بيته ررده
الفرسني=
جلال مااحدن جاه ياالرجل الظلوم= عودن ورى التسعين ربي قعده
لاتعكس الدعوى ترى العلم محكوم= البيت بيتك والنحيتي شيده
الساهر=
ماهو جلا ل اللي تبي كانك فهوم= محسن على الاول نعت فيه ولده
والكذب حيلة ضعف مالي به لزوم= الذبح حاصل والعلوم موكده
الفرسني=
قامت تقلب علومك بين ليل وبين يوم =وعنك الحقائق يالعتيبي مبعده
محسن عليكم شبها فيكم سموم= خلى جنايزكم سوات المحيده
الساهر=
افعالنا في حرب جاي لها وسوم= ياكم ذويبي حفرنا مرقده
ذياب مع نايف وفيصل يالفهوم= وأبن طعيسه وبن مريخان وزده
الفرسني =
الضيط وينه يوم عصب بالكموم= في ديرة العتبان كلن يشده
والضيط الاخر يوم غزى يم القروم= تعال يالساهر وطالع بالحده