سعود المحجان
ياحرب ياحرب ياللي درعكم صياف ياحروب=سلام ردة وفا واهل الوفا ترقا الطويله
الليله الملعبه ماهي على غالب ومغلوب==واللي معه حيلتن ياصحابنا ماشد حيله
فهد عواضه
يامرحبا ياهلا واللي يقف بالحال محسوب=والكل ياطير شلوي منوته كسب الجميله
مايدحم اهل الجنوب الا ادمي ياشيخ بجنوب=ولايستدل الدروب العدل ياغير الدليله
سعود المحجان
دام البقا والبقا ياصاحبي بالطيب مصحوب==وانته هلا الاوله ياللي تساويلك قبيلـه
يافهد كم واحدن في دنيته بالوقت منكوب=والله يعين الرفيق اللي يوميلي شليله
فهد عواضه
حنا رجال نوفي ياولد في كل ماجوب=وانت ادمي تميز بالخفيفه والثقيله
لن كان طير ذرا راسك بعد ماهبت هبوب=مال الثقيلات غير جمال تبركله تشيله
سعود المحجان
انتم رجالن على العليا تسد النوب بالنوب=ياراعي الجيب ليه الجيب مافرت ويله
الله يعز البلاد وشعبها ياشيخ محبوب=السيف لاترفعه يمكن على راسك تهيله
فهد عواضه
مايمكن ان ينوش اهل الوفا يالعازمي عيوب=وكلن زناده على ماقيل مكسبه وحصيله
لن عودت سالفتنا ياولد طالب ومطلوب=بعض الدعاوي تراها اشطر من سيوف صقيله
سعود المحجان
دامك تقابل عوازم تفتخر يامقصر الثوب=رح افتخر يافهد للي يعسفون الكحيله
دلتك ياصاحبي فنجالها بالوقت مسكوب=مدري شخليك تال الوقت من اية فصيله
فهد عواضه
ترا الفخر كامل مكمل لنا طوب على طوب=ماودي اقول لك دق العلوم مع الجليله
ليا كذبت البشر قال كذوب وراعي كذوب=واخر كلامي كلام الصدق مايوخذ بديله