ورقـــــــــــــــــان =
يسعد الله صباحك.. ويسعد الله مسـاك=ويسعد الله الدروب اللي تجيب الغيـاب
ولولا الغلا والمعزه .. ماسألنـا =كتبنا السؤال ولا انتظرنا الجـواب
مـضـحـي بــــن جــمــران =
حياك يالشاعر اللـي عاليـاً مستـواك=ارحب تراحيـب ودٍ ماعليهـا ضبـاب
ياطيب العـرف والله مانشـك بوفـاك=راع السؤال النزيه اجوابـه فالصـواب
ورقـــــــــــــــــان =
تدوم يالشاعر اللي يوم ربـي عطـاك=اعطاك منه الادب واعطاك فصل الخطاب
ياصاحبي ما نـدس العلـم والله وراك=ولا احنا نغش الطعام ولا نغش الشراب
مـضـحـي بــــن جــمــران =
لاهنت والله محقـق يالسنافـي منـاك=تروم راس الطويلـه دونهـا ماتهـاب
عساء الردي ياولد عمي وجنسه فـداك=عسل للاصحاب والا للعـداء سـم داب
ورقـــــــــــــــــان =
ماتهون يانجم عالي بارز(ن) في سماك=واللي يخوض المعارك لا يهاب الصواب
وياصاحبي لا اختلط علم المعاني وشاك=كثير من لا يفرق في حـروف الكتـاب
مـضـحـي بــــن جــمــران =
بالامس كافوت حديتـه وعـود حـداك=لكن على ايديك ياورقان شاف العـذاب
اللي ليا دخنت ماصـار فيـه ارتبـاك=يحطه خصمه ضحيه بين مخلب ونـاب
ورقـــــــــــــــــان =
ماودنـا بالمقاشـر بيـن هــذا وذاك=حبيت انا طيَب المعنى وليَـن الجنـاب
والحنضله عودها ماهـو بعـود الاراك=يموت عطشان من يتبع خيوط السـراب
مـــــضــــــحــــــي بن جمران =
الخصم حوسه ودوسه قبل يبحث خفاك=ان لم تكن ذيب تصبـح لقمـةً للذيـاب
من لاعرف قيمتك يالصقر قام وشـواك=لاشك ماتلحق الجاهـل مـلام وعتـاب
ورقـــــــــــــــــان =
ياليت ذاك المسمى ماعجـل واحتـراك=كان بنشوف ابو زيد الهلالـي وذيـاب
لاكن بعض العرب ما هو مبلـل جمـاك=ماودنا غير بالحسنه ونكسـب ثـواب
مـــــضــــــحــــــي بن جمران=
سحابة الصيف ماتقطع ضماي وضماك=لو ارزمة فالرعود وللبـروق اشتبـاب
اشكرك ياللي على راسه مكسر عصـاك=واللي حضر سد غيبت كل غايب وأناب

[table1="width:80%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px double sandybrown;"]