ملتقى قبيلة حرب الرسمي - عرض مشاركة واحدة

22-10-09, 02:37 AM


	المشاركة الأصلية كتبت بواسطة وليف الشوق


	ورقان= يسعد الله صباحك.. ويسعد الله مساك = ويسعد الله الدروب اللي تجيب الغياب ولولا الغلا والمعزه .. ماسألنا علاك = ولا كتبنا السؤال ولا انتظرنا الجواب مضحي بن جمران= حياك يالشاعر اللي عالياً مستـواك = ارحب تراحيب ودٍ ماعليها ضبـاب ياطيب العرف والله مانشك بوفـاك = راع السؤال النزيه اجوابه فالصواب ورقان= تدوم يالشاعر اللي يوم ربـي عطـاك = اعطاك منه الادب واعطاك فصل الخطاب ياصاحبي ما نـدس العلـم والله وراك = ولا احنا نغش الطعام ولا نغش الشراب مضحي بن جمران= لاهنت والله محقق يالسنافـي منـاك = تروم راس الطويله دونهـا ماتهـاب عساء الردي ياولد عمي وجنسه فداك = عسل للاصحاب والا للعداء سـم داب ورقان= ماتهون يانجم عالي بارز(ن) في سماك = واللي يخوض المعارك لا يهاب الصواب وياصاحبي لا اختلط علم المعاني وشاك =كثير من لا يفرق في حـروف الكتـاب مضحي بن جمران= بالامس كافوت حديته وعـود حـداك = لكن على ايديك ياورقان شاف العـذاب اللي ليا دخنت ماصار فيـه ارتبـاك = يحطه خصمه ضحيه بين مخلب وناب ورقان= ماودنـا بالمقاشـر بيـن هـذا وذاك = حبيت انا طيَب المعنى وليَن الجنـاب والحنضله عودها ماهو بعـود الاراك = يموت عطشان من يتبع خيوط السراب مضحي= الخصم حوسه ودوسه قبل يبحث خفاك=ان لم تكن ذيب تصبح لقمةً للذياب من لاعرف قيمتك يالصقر قام وشواك=لاشك ماتلحق الجاهل ملام وعتاب ورقان= ياليت ذاك المسمى ماعجل واحتراك=كان بنشوف ابو زيد الهلالي وذياب لاكن بعض العرب ما هو مبلل جماك=ماودنا غير بالحسنه ونكسب ثواب مضحي= سحابة الصيف ماتقطع ضماي وضماك=لو ارزمة فالرعود وللبروق اشتبـاب اشكرك ياللي على راسه مكسر عصاك=واللي حضر سد غيبت كل غايب وأناب الاخ القديرالشاعرورقان والاخ العزيزراعي الجزلات ابواحمد صحت السنتكم وبيض الله وجيهكم ورفع قدركم وشانكم سلمتم على هذا الطاروق الجميل والرائع بروعة حضوركم الغالي الله يعطيكم الصحه والعافيه تقبل تحياتي وتقديري

شاعرنا الجزل ومستشارنا القدير وليف الشوق صح بدنك ورفع الله مقدارك يالوافي
لاهنت ولاعليك زود والجمال والكمال هو تواجدك وتواجد كل جزل شرواك والابداع يكمن بهذا المرور النير لشخصك الغالي والعزيز على الجميع سلمت ودمت ولا نعدم وجودك يابن العم الكريم والله يحفظك ويرعاك