المشاركة الأصلية كتبت بواسطة صقر المراقيب

اشكي على اللي مالحقني به الريب=لنه مع اهل العـرف قايـد سريـه
رجال مايقرب من الشـك والعيـب=من شايب ٍ وافي حفظهـا وصيـه
اطلب له الجنه بامر عالـم الغيـب=يلقى بها جمـران عيشـه هنيـه
يامضحي دوك الدقن كله غدا شيب=فارقت لي مخلـوق غالـي عليـه
شالوه من عندي غصيبه على جيب=من بعدهم محتـار واصفـق يديـه
ماهو ردى فاخوك صقر المراقيـب=مير البـلا جـور المقاديـر فيـه

ياخالد ابن عبيد جزل الهناديـب=يالاحمدي عساء حياتـك مديـه
حياك يامن لك حقوق ومواجيب=عندي وعند اهل الوفاء والحميه
ياطيب المعدن ماهي فالمشاعيب=قسمه ولاهي في يديـك ويديـه
رزقٍ ماهو مقسوم ياخالد اصعيب=ولاهو على كيف الخوي لخويـه
ياذيب لاتقنب ليا اقفى به الذيب=يعطى العطا من في يديه العطيـه
الله يعوضك عقب سيد الرعابيب=بمخلوق مادوج مع الخلق زيـه