نـواف لوجيرانـا ماعـزمـون=الازم علي الضيفه تجيب إقصرانا
ماهمنـا لـوكـان ماوجبـونـا=ولوقصروا في واجب اللي نصانا
ياجب علينا إحسانهـم لونسونـا=بقصورهـم لازم إنقابـل وفانـا
نافي لهـم بالطيـب لوحسدونـا=نبينـا وصـى يقـول إخشرانـا
حتـى بنـا جيرانـا يامنـونـا=أصحاب ولا أجناب ذولا أقربانـا
وقصيرنا فـي سلمنـا مايهونـا=وأيضا علي عيبه إنظفي إغطانـا
قريـب ولا مـن بعيـدآ يكونـا=نحسن جواره لوبعد من إعدانـا
إمعززالجانـب ولا لـه نخونـا=أبنه ولدنا ونسوته مـن إنسانـا
وانجود بالماجـود للـي نصونـا=والضيف نعطيه الكـلام الليانـا
إضيوفنـا ببيوتـنـا يكرمـونـا=وغير الكرامه يامنـون بذرانـا
وفينـا إخويانـا دايمـآ ياثقونـا=نحما الخوي وأيضآ بعيـدٍ مدانـا
اسلافنـا للمرجلـه علمـونـا=وقالولنا بالطيب سيـروا ورانـا
وبعض البشر وش عاد لومايجونا=حنـا عليهـم فارقـن مستوانـا
ماضرنـا لـو بالنميمـه قفونـا=الوجه الابيض والرجال اتحمانـا
نفصـد نواظرهـم ليـا قابلونـا=يرفض قساهم مايقابـل قسانـا
الدرب واضح والعـرب يفهمونـا=ومن رد نفسه للمهونـه إيهانـا
مايدرك العليـا بخيـلآ مهونـا=ولا له مع الابطال علم ومكانـا
ذاقول من هولك يعـز وحنونـا=ينخاك تصعـد للطويـل البيانـا
وخلك لسدك لوحكولـك كنونـا=واحـذر ترافـق للهذور الجبانـا
ومن لايحوش الطيب ذاك مغبونا=ولايتبع الهفـوات غيـر الهدانـا
واهل الردى للعـال مايصعدونـا=وراع الخطأ لوقال دايـم إيدانـا
وتراك عني في غيابـي تمونـا=وليا عملت الطيب تكسب إرضانا
وصلوا علي محمد عداد الغشونا=نبينـا اللـي للفضيلـه هـدانـا