بديت بأسم اللي رفع سبعة أطـواف=وسبعٍ بسطهـن للبشـر والضعافـي
أمره يتـم بكلمـة النـون والكـاف=وفضله علي كـل المخاليـق ضافـي
وبعده كتبت رسالتـي لابـو نـواف=نصِّيتهـا ريـف المشاكيـل لافــي
لياء بار وقـت اللازمـه كـل بـلاف=يوفي الرجال ويأخـذ الحـق وافـي
عند اللزوم يبين فـي راس مشـراف=لياء ضيّع العرفـه خطـات الرهافـي
هيف السمين لياء لفا البيـت هـداف=طلق الحجاج لياء هبـا كـل هافـي
من لابتن ماضٍ لهـم فعـلٍ يشـاف=فـي ساعـةٍ مافيـه بـرد وعوافـي
لياء جاء نهارٍ فيه الاريـاق نشـاف=وطـال الطـراد وكلحـن الاشـافـي
أهل اللويصق مرويت حدب الاسيـاف=مرويـن حـد مرهفاتـن إرهـافـي
خيالهم مالـه عـن القـوم محـراف=لياء طوحـن البيـض سمرالغدافـي
ربعٍ يهـدي ضربهـم كـل مزعـاف=عدوهـم يكـره لقـاهـم إعيـافـي
عـدوهـم مقهورلوجـمـعـه أرداف=واللي مضاء يابن الحمولـه إيشافـي
تلقى لهم في ديـرت القفـر سـلاف=يتلـون شيـخٍ بالخطـر مايخـافـي
شيخ الجهام اللـي تقدابـه أسـلاف=يتلـون أخونـوره ربيـع الضعافـي
يرعى الخطربمصقل السيـف مخـاف=وتأمن بهم بالخـوف حـم الشعافـي
يابن الرجال اللـي نحاياهـم إكـلاف=يوم البراء مـردود والجـو صافـي
أشوف رجـلٍ بـه هرافيـل وهـراف=الله يزيـده مـن وبــاه الهـرافـي
دايـم عليّـه مـن هواديـه حـذاف=لوكان ركبـي عـن ركابـه مقافـي
ثنتين جنا وقلت لـه بألـف مـذلاف=مانـي خـويٍ للعقـول الصخـافـي
ماني علي بعض الطواريـق مزهـاف=يـومٍ بعـض النـاس فيـه انزلافـي
لاشـك جتنـا الثالثـه مالهاألـفـاف=يأديـب ماتضفـي عليهـا اللفافـي
ينشرسواليفٍ بهـا أربـاع وأنصـاف=علـي إجتمـاع المايـده والمصافـي
لوكان ماله مع هـل المجـد ميقـاف=يقـول أنـا قطّـاع جـرد الفيـافـي
قلبه مريض وداخله نقطة أرعـاف=شباب ضوء الحقـد لوكـان طافـي
حلو اللسان اللي سواليفـه إسهـاف=يرم النعول ويـدرق النـاس حافـي
مابه ثناء لو أنّقلـه فـوق الاكتـاف=الله مـن ذيـك النمـونـه يكـافـي
وغيره رفيقٍ يابـن الاجـواد ينعـاف=يعـل مالـه عنـد مثلـك مـلافـي
دايم عليّـه منطقـه ناشـفٍ حـاف=ياخـوي ضيّـع حيلتـي وإحترافـي
سيطر عليّ ورفقتـه رفقـة إسـراف=وقعـت لـه مـن ذلتـي بإعترافـي
حنى عليّ السيف وأوقفنـي اوقـاف=الشمـس قدمـي والمليلـه إخلافـي
وهذا الذي سبب علي حالـي اتـلاف=وخلانـي أبديلـك إعلومـآ خوافـي
أذبهـا قــدام وتـعـود إخــلاف=وقفت نصيـب ولا علـى الله خافـي
وعيني لها عن لذت النـوم صـراف=يومٍ كـل فـي حلـى النـوم غافـي
وقلبي يجيه مـن الهواجيـس لفـاف=لف العواصـف للغصـون المشافـي
لياء مر هاجوسٍ علي قلبـي وطـاف=هـمٍ يــزول ومردفـلـه قـوافـي
ولولاء الضلوع اللي علي قلبي كتاف=نـزع كمـا طيرالوحـش يالسنافـي
وأخفي صواب القلب من خوف ينشاف=من خوف لايـدري خطـات الهلافـي
ينشركـلامٍ لاسمـع بـه ولاشــاف=عندالعـرب يأديـب مثـل الصحافـي
قال السديري بأول الوقت لـه قـاف=وقاف الشريف وقـاف صقرالنصافـي
ومن خلقت الدنيا ترى العالم اصنـاف=ماهم سوى بيـن الرجـال إختلافـي
متخالفيـنٍ بالمذاهـب والاوصــاف=وأطباعهـم يأديـب فيهـا تنـافـي
وبعض الرجال إجمال في كل ميقـاف=لياء غاص بالدفـه حيـود الظلافـي
وبعض الرجال إجروم وهدوم وغلاف=واللي بقـى مثـل السفـا بالسوافـي
في منظره يعجبك وهدومـه إنظـاف=لاشـك ماغيـر الهـدوم النظـافـي
عشبت دماله لوزهـى نبتهـا عيـاف=ماتنرعـي حتـى يجيهـا الجفافـي
من طلعته مثـل الحويّـر بالاريـاف=عشبت ربيع ويرضـع الديـد دافـي
وهذا وأنـا ربعـي عزيـزٍ وأشـراف=والفضل لله ما جفـا النفـس جافـي
ربعي ذرايه عن هواء اللاهب الحـاف=درعي لياء صارت سمـوم وهيافـي
عدوهـم دايـم يجـي قلبـه خفـاف=أعـزاز النفـوس مشيديـن الرفافـي
جتك الرساله تحتوي جملـة أهـداف=عبـرت مـا كنـه ضميـري بقافـي
والعرف مايعرض علي غيـر عـراف=ونظرك فيها ياأبيـض الوجـه كافـي
وترى المعاني بين جزلات وضعـاف=لوهـو كـلام ومنطـقٍ بالاشـافـي
وتم الكلام اللـي بـدأ باسـم نـواف=وأخر مشّد القـاف والحـرف لافـي
وصـلاة ربـي عـد ماهـل خـذاف=وعـداد مـا زار المشاعـر وطافـي