ماباس ياقلب ضحى اليوم جايل=كما يجول الصيد من ريح راميه
يالله يامنشي ثقيل المخايل=تربط على قلب صدا الصوت صاليه
يامن يقود القاف قود الاصايل=عساه من خانه زمانه يسليه
جانا الزمان امر الايام صايل=وماقدر العالي على العبد راضيه
مرحوم ياشيخ عليه النثايل =نجد وعوايل حرب بالفرد تبكيه
زيزوم حرب من السنين الاوايل =وعن غيض سلطان الدول ندرق فيه
ياليت مر الموت دور بدايل=والا طلب من ساير الناس واعطيه
وخلا ولد ناهس لضعف الحمايل=من حرب والي من هاك الحي ناصيه
يامالخو (نوره) تشد الرحايل=من حرب والجنبه تزوره لطاريه
عليه يثنون الثناء بالمثايل=مثل بركات اللي دلايل معانيه
قال الشريف وغيره الفين قايل=وكافيه من شكر الاجاويد ماضيه
فاز بحياته في جميع الفضايل =وبالاخره منجي ابراهيم ينجيه
عساه يبعث بالصفوف الاوايل=بعد النبي بالصف الي تواليه
امين ياراع العطايا الجلايل=يالكامل الي كامل الكون يرجيه
ماجور ياجار جرع هجر طايل=باقي وراحن الليالي بغاليه
لونها بمصقلات النصايل=سقنا الجمل والجمع الادهم يباريه
من عاش شاف من السنين الهوايل =مات النبي وابليس ماطول لياليه
الموت ياخذ طيبين القبايل=والا الردي لو قلت خوذه يخليه
ماياخذ الا كاملين الخصايل=الي عليهم للرفاقه مشاريه
وخلا ثبار ومقبره للجمايل=ضمايره سودا وزرق مقاريه
بهلول هول بكل شف الوسايل =مالله قبض روحه ولاهو مهاديه
وخلافها ياكاسبين النفايل=ميل الدهر لمكون الكون نشكيه
افضل جبل ظله عن الزول زايل=وبقا العبيد اللي كما الكون غاشيه
ياعارفين المقبله بالدلايل=لاتحسبون النور هذي مباديه
اجيال نور ودونها البعد حايل=اللي تشوفونه جبيل المتاييه
سراب ويزمي به سراب القوايل=من صايحه خاسر وخسران ضاويه
مرحوم ياشيخ يشيل الثقايل=شيال حمل ماتشيله عراويه