سلام يادرع القبيله سندها=يا ملتجانا وملتجا مثل مرزوق
ليا صكته غبر الليالي بيدها=قامت تحول للوطا فيه من فوق
ان ما سندته لين يبرد جهدها=عليه صكت غبر الايام صندوق
قام يتصفق فوق راسه رعدها=على هواها ساقته قدمها سوق
الا ان قام العود ابونا وجلدها=علق بها نايف عن الميل معلوق
ليا قام ساعدنا وقلل سعدها=ماهي سوالف مسرد مالها ذوق
يوم السنين المعضلات ونكدها=زمل الثقايل لارغى كل صعفوق
جده وابوه ليا تلاوت عقدها=ليا ثقلت القاله يفكون ما سوق
بالمال والحنكه وشعث هددها=يقرا على شرس العفاريت ويروق
كم هية راع اللويصق جردها=اللي تشيل بحدها قمة الطوق
كبد الخصيم اليا تعزوى لهدها=ليا قال:اخو نوره قطع كل منطوق
كل عن اللي في جواده نشدها=في ساعه ماللسوالف بها سوق
كم مش زور باللويصق بجدها=والعيب بالحقران والهضم والبوق
واللي ليا شاهد وجيه بردها=في جابة تاخذ من العمر طاروق
يوم ان عباد الوجيه تعبدها=والله ... ماعمري تعبدت مخلوق