هذه الابيات كتبها اخونا
عبدالعزيز الحريبي ( ابو عادل )
اثناء تعليقه على المساجله التي نقلتها لكم
وجرت بيني وبين الشاعر/ نايف بن صالح المالكي
واحب ان اشكر اخوي ابوعادل
والصراحه انني اتشرف بإشادته بشاعريتي
واقوله لولا غلاك مارديت عليك
والصراحه اني كنت مشغول جدا لكن قلت لازم ارد لك حتى لاتزعل علينا
واللي مثلك مانرضا زعله
( يقول ابو عادل )
خالد وفيت ولك علم دوم رفراف = مثلك كبير ومدحنا مايسده
لاصغت بيت يجعل العين مذراف = يصعب على الشعار مثله ترده
والمالكي كمل على قدر ما شاف = راعي وفاء والطيب دائم يمده
واللي على وضح النقاء دوم ماخاف= كل معه مافيه واحد يضده
واليكم
ردي
المتواضع
واتمنى ان ينال
إعجابكم
وإعجاب شاعرنا
خذها يابو عادل بلا زور واحلاف=ابداعنا من دعمكم نستمده
ياشاعر ٍ ماهو على حد مهياف=حيثه بدا للناس صدقه وجده
بحر ٍ ولا يفنيه مغراف غراف=طرفك على الجزلات دايم تلده
ياجعل عينك تسعد بشوف الاولاف=وافراح عمرك دايما ًمستجده
والمالكي شاعر كريم ٍ ومضياف=يملك قريحه للنظم مستعده
قلته وانا خالد ذرا كل مختاف=انشد عدوينه بصدقه تعده
الشاعر / خالد بن عبيد بن معتوق ألأحمدي |