والله والله والله...
مااقولها رياء ولا لغرض فنفسي
بل حقيقه فالفؤاد والشاهد الله
من عشقي لقبيلتي وربعي حرب وحب
كل ماينفع حرب افرح له من قلبي
واغضب باللي يضرهم وغضبي من قلبي
و اتهيض بالشعر
كل ماقريت قصيده تحكي عن حرب.......
واحاول اجاريها قد عرفي ......
واعذروني بالتقصير
تعالي ياهجوسي بالحقايق = حقايق حرب ماهي بالمحايل
وهلي لي من التاريخ هلي= وهلي من سحابك بالنهايل
ليّا قالوا وش انته قلت حربي= ولد ربع" عزيزين الشمايل
عبادن بالشريعه والعقيده=قضاة" حكمهم حكم العدايل
بنوك" سلمهم سلم الدراهم=قصور العز بنيان الجمايل
قلوب" تكسب الطيب بطيب=جمال" حملها ماهو بمايل
صقور" وكرها الطالات دايم=سيوف" في لوازمها صلايل
جبال" ماتزعزها الصواقع=بحور ماتهولها الهوايل
لهم فالمجد والتاريخ كوكب= حوى كل المعاني والفصايل
على علم الشجاعه والمروه= يحاز الدسم وتكب الهزايل
مواقف حرب كالروس الرواسي=بسيسان الحجر ماهي سلايل
شهد راع اللزوم اللي نخاهم=تجلا همه وجته البدايل
وابا اذكر بن مبيريك المسمى=نهار السيل جا من نجد سايل
تبيض يوم ناداه المنادي=ومده بالسلاح وبالرحايل
وحاز المكسبه والفوز قسمه=وحاز الاولات ام الفضايل
وابا اذكر فزعة ابن عسم رومي=بعد جاته من المشرق رسايل
فزع للعزوه اللي تعتزيبه=بجيش وخيل وسيوف" صقايل
وفزو حرب للحرب وطبوله= وخلوا خصمهم يمسي عزايل
واقول الفرم فكاك النشايب= سديد راي مريع كل عايل
يالو احصي ليا يوم القيامه= كلامي قطرة" من بحرهايل
ولا اذم القبايل وانتقصهم= وكل" حاز قسمه بالدلايل
وصلى الله على الهادي محمد=عدد مالاح براق المخايل