صح لسانك وبيض الله وجهك على القصيده الجزله
وأليك ماجادت به القريحه والمعذره بالقصور
لان المشاركه لاتفي لمستوى قصيدتك ولكن الجود من الموجود
"
"
"
"
اهلا هلابك عد ما هبت النود= واعداد ما ولعت شموع وزجاجي
منا طلبت الرد والرد مسنود = بحل للي له بقلبك مراجي
ياللي شكيت من الغضي هجر وصدود = وخلّى فؤادك وسط الأضلاع لاجي
اعرف سبب صده وعامله بودود= لعل بعد الصد تلقى أنفراجي
يمكن حكابك له حسودٍ ومقرود= وقلبه من اللي جاه فيه انفلاجي
وضح له الصوره عسى بعدها يعود= وتهنى بوصلٍ بعده الأندماجي
وأن كان قابل ما تعانيه ببرود= حبك بقلبه ما بقى له سراجي
ومن باع ودك لا ترجّى منه فود= حتى ولو شيدت له برج عاجي
خله يروح وباقي العمر ممدود= وتلقى العوض في واسعات الفجاجي
الشاعر/ عبد العزيز الحريبي