الله كـــــرّم الـمــســــلــــم بـــحـــــل الأرزاق=حـــلّ الــحـــلال وحــــرّم الـــحــــرامـــــي
مــن شـــأن يــصــيـــرلـلــطــيــبـــات سـبــّاق=يـــتــرك الــرديـــات ودروب الـــمـــلامــــي
يــا خـــــاف الله ربـــاً لــلـــكــــــون خـــلاّق=ربــاً كرّم لـلــمـــؤ بــالــمــنــازل الكــرامــي
كـــــرم لــمــن كـان لـلـخــيـــر مــشــــفـــاق=مــا يــتــبــع الـشـيـطـان وطـرق الـظــلامــي
ولارهـن عـمـره لـلــدنــيـا غــيــورً مـشـتــاق=يـفـهـم حـلـهـا وحـرمـهـا بـطـيـب وســلامــي
مـاتــوهــه طــمــعــهــا فـي مــوج الأســــواق=ولا زيـن لـه الــشــيـطـان خـبـائـث اعـظـامي
فــقــيــه عـارف نـور ديـنـه يـشـرق إشــراق=يـمـشـي بـسـهـلً طـريـقـه مـبـادي وخـتـامـي
يـا مـن سـعـيـت للـسـلامـة مـع كـل الاطـــراق=دنــيــاك أبــدل خــطـأهـا بـطـرق الـنـظـامـي
تـعـرف عـلـى حـلـهـا وحـرمهـا جـل ودقــاق=حـتى تكـسـب الطـيـبـات وتـنجـي ما تـظـامي
وخـلـك بـكـسـب الـطـيـبـات قــنـوعً مـحـقـاق=ولا تـبـدل الـطـيـبـات بـالـرديـات الــذمـامــي
ترى خـيـر الداريـن لمن صار للخـيـر خـفـاق=ولا يـســتجــاب دعاك إلا بـحـل الـطـعـامـي
ولا تـنجـلـي هـمـومـك لـيـا جاء تـك ضـيـاق=إلا بـحــل مـطـعــمـك وطـاعـت(ن) دوامــي
ونحـاش عـن الـلـي لكـسـب الحـرام عـشـاق=تـرهـا ما تـنـفـعـه لو كانـت كـبـاراً ركـامـي
دعـاه مـردود مـالـه قـبـول(ن) ومصــداق=وقـافــيـه عــقـاب الله بـالـغـضــب والـنـدامـي