ا
بوعادل=
اليوم ماهو كما يوم أمـس = تغيـرت كــل عـاداتـه
راح الوفاء والصفا والحس = الكـل ضاعـت مساراتـه
سالم البشري=
وجهة نظر ماغشاها لبس = من فكر أحسن عباراتـه
واللي أخذ من زمانه درس = مايحرم النـاس خبراتـه
ابوعادل=
العاقل اللي شرح ما حـس = محد(ن) فهم في شروحاته
كالفرق بين القمر والشمس = كل مشـى فـي مداراتـه
سالم البشري=
يمكن تقول الحقيقه00 بس = أعمـال الانسـان نياتـه
بيّن وحنّا بطيبـة نفـس = نعطيـك كـل احتمالاتـه
ابوعادل=
الوضع واضح ولابه عمس = كـلٍ قـرأ فـي سجلاتـه
لكن بعض الأوادم هـس = وتاهت عن الدرب خطوته
سالم البشري=
العـرف راعيـه مايفـلـس = يعـرف مكـانـه وقـدراتـه
ومن ضاع بين الحكي والهمس = ماظـن يحـسـم قـراراتـه
: