السلام عليكم ورحمة الله وبركاته
ياهاجري باب الرجا صك وانسـد
ماعادينفـع عذركـم لوتعـذرت
سدالشراب المرمن كاسكـم سـد
اسقيتني علقم ولجلـك تصبـرت
صبرت صبر ايوب والصبرله سد
وانباح سدي وانت توك تحسرت
بنيت لي سدن فدربي على سـد
عديتها لجلك ولجلـك تكسـرت
واصبحت في حاله لها ماتحسـد
كلن رأف بي وانت مايوم فكـرت
يكفي غرامك في فـوادي توسـد
مديت لك حبل الغـرام وتكبـرت
خليتني وهمـوم قلبـي تجسـد
مجروح وانت في عذابي تشطرت
والحب والأخلاص تجزاه بالصـد
حسبي عليك الله طغيت وتجبرت
من كثر غلطاتك غرامـك تبـدد
ومن كثر ماعانيت هجت وتفجرت
لا لا تـعـذر روح لالا تــودد
يا خاين العشره بعذرك تأخـرت
اليوم حبك مات والقلـب منسـد
خلاص من قيدك تراني تحـررت
ماتـت خلايـا حبكـم ماتجـدد
ولاعاد ينفع عذركـم لوتعـذرت