دار هذا اللحن بين كلاً من الشاعر القدير / خليفة المزروعي
وأخوكم / عبدالإله الشريف
يوم الخميس الموافق 20 / 04 / 1430هـ
خليفة المزروعي=
لا ياصقر تثبت وجودك=دايم على الطايلة ماجود
سلام وابدا في مردودك=باخذ وبعطي معك مردود
عبدالإله الشريف=
يامرحبا عمني جودك=ياعد فيك السخى والجود
إن كان تبدا بمورودك=تاخذ جوابك على المورود
خليفة المزروعي=
عسى البقا عطني اعهودك=وأنا كذلك علي اعهود
إني أحافظ على سدودك=وإنت تحافظ على المسدود
عبدالإله الشريف=
مادامك أدليت بوعودك=لك وعد أبقى على المعهود
واللي رصدته بمرصودك=ماينخلف لو تقام حدود
خليفة المزروعي=
والله تهيظت بنشودك=دكتور ياراعي المنشود
ومانطلبك غير مجهودك=وإنت كذلك لك المجهود
عبدالإله الشريف=
جهدي إذا رافق جهودك=نوصل إلى اللي نبى ونرود
هات المثل هات مقصودك=أسعى معك للذي مقصود
خليفة المزروعي=
قلنا لقلبي على حدودك=وحضراك تخرج عن المحدود
قلي تشمر عن عضودك=عد الهوى دايما مورود
عبدالإله الشريف=
لاتتبع القلب ويقودك=لأمور منت لها معدود
فكر بعقلك ومرشودك=لاتتجه للدروب السود
وياصحابنا سامحونا=