قال المغني بداء رأس مرقاب=ذبيت رأس الرجم ماأرغب سهلها
رأس الجبل مزبن من الذيب والداب=كب المراغه خاسر من نزلها
الرجم تسكن فيه الأحرار وعقاب=والبوم يقعد في مواطي سهلها
رجم (ن) بديته ينعرف عند الأجناب=ضلع السراة اللي تعرفون أهلها
وأخذت في رأسه ثلاثين هنداب=وعيني من الفرقاء تزايد هللها
على رفيق بالمواجيب ماغاب=كم حجة ٍ بعد المياله عدلها
عبيدي من صلب عربين الأنساب=وكن البلد بعده رحيل ٍ أهلها
عز الله أنه ستر ربعه والأنساب=وكل المراجل حاطها وأكتملها
محمد سلايل ............=ابوهيف الكباش اللي كبار ٍ كثلها
وجلست في دار القحاطين منصاب=وا عين ياللي حزنها من تولها
ثم وصلت المضه وقييلت هرجاب=عند النواعس مكرمة من وصلها
ربع الفويه اللي لهم صيت وحساب=وفعولهم مافيه شخص ٍ جهلها
وأنا على عملية ٍ تصرخ الناب=من ساس هجن ناسبين فحلها
يافالح أسمع جارك الله الأنشاب=مثايل ٍ عدلتها عن ميلها
صاحب قطيب السد وحباله إقطاب=لرماث يافالح تقطع بإهلها
من صاحب الرديان فصل له إثياب=وتصبح به التهمه وهو مافعلها
وبنت الردي لو تنقش الكف بإخضاب=ترى ولدها مرجعه صوب أهلها
دور لبنت اللي على ربعه إحجاب=ون كبرت القاله عليهم نقلها
وبنت الردي يا تي ولدها في لقى القوم مرعاب=وتصبح على نفسك تكثر عذلها
هاذي وصاتي فيك والظن ماخاب=ياشوق من حجرت عيونه كحلها
وصلاة ربي عد ماسجل كتاب=على رسول للرساله حملها