هذا اليوم حبيت ان انقل لكم محاورة الشاعر خليف بن دواس الشاطري المطيري رحمه الله رحمة واسعه مع الشاعر الرائع سليمان بن صالح القصيري الحربي
امل ان تحوز على رضاكم واستحسانكم علماَ بأن هذه المحاوره بحدود عام 1419هـ تقريباً

خليف إبن دواس=
هلا يامرحبا واهلين في قاعية الضبطان= ترحيب الوفاء بسم الرجال وبسم محفلها
الا يالله بغفرناك تديم الامن والامان=لك العزه وتسمع دعوة المسلم وتقبلها
سليمان القصيري=
نقول ابك البقاء والخط مفهوم من العنوان = وانا ما انزل رجال الوفاء بأدنى منازلها
نشوف النار لكن ماش نارٍ ماله دخان= وتخيل البرق ونخيل البروق الي تخايلها
خليف بن دواس=
تحيزم واحتزم والله يبارك فيك ياسليمان= لعلك في زمانك تهقي الهقوه وتاصلها
الا ياحرب يمكن تصبرون ويقبس البركان= ولا تلقى ديار(ن) في زمان الخوف تنزلها
سليمان القصيري=
انا ريض مع الريض وانا ماشي مع العجلان= تجيب احوار والا يابعد روحي تحيلها
تراني عارف السباح واسبح واعرف الغرقان= علومٍ هاتها وعلوم بالأقفال قفلها
خليفبن دواس=
زمان العام باشركم ربيع وكثرت الحيران= تبا تضحك ليا هبت شمال ولقحت البلها
الا يالشاعر سليمان لافاضي ولا مليان= تلوا بك سلوك المعرفه والله يعدلها
سليمان القصيري=
زمان العام جيناكم على وضح النقاء ضيفان= تحسبنك ختلت القوم مانت القوم خاتلها
تقول انك تدين القوم لكن بعدها تندان=ترى ان طولت من صاحبك تبا تحصلها
خليف بن دواس=
ليا جيتوا ضيوف اهلاً وسهلاً منتم بسرقان=ولن كانك مدور شر في لحيتك تاكلها
الا ياحرب وش مصلوحكم بمعاند المطران=قبيلتنا على سبع القبايل محد يجهلها
سليمان القصيري=
جنوب الجرب تطلها لو رغت بالملح والخفان= وذي حملها تنزلها وبه حمله تشيلها
الا يامطير شيلوا عن بلدكم طير ابن برمان=مشيم عين والا اعيون بالكحله نكحلها
خليف بن دواس=
الا ياطاير من خلقتك معك اربعه جنحان=حمولتك الكبيره كان ماكفت ندبلها
بغيت اخفف الدعسه بعد ما شفت وضعه شان=وبقعاء ماحدن بالوقت رابح من ماقبلها
سليمان القصيري=
فهمنا الصم لكن مشكلتنا هرجت الطرمان=يحبلون المحابل واصبحوا داخل محابلها