المشاركة الأصلية كتبت بواسطة حسين المعمري

مساك الله بالخير

ياسلام الله عليكم يارياجيل الحميه=البناخي مختف(ن) له عدة ايام وليالي
البناخي ساق لي فنجال دله شاذليه=ثم ريح في ركابه قال ماعندي مجالي

المشاركة الأصلية كتبت بواسطة مضحي بن جمران

مرحبا ونيابةٍ عنهم نرد إلك التحيه=والبناخي لو تغيب ماتنساء كل غالي
تعرفونه مايقصر بس فلم المسرحيه=طولوه ومللو منه البناخي والخوالي

المشاركة الأصلية كتبت بواسطة حسين المعمري

اشهد انك فاالملاقا شيخ حماي الونيه=والخوال اللي يبونك قلبهم ماهو بسالي
كل فلم(ن) لك مدبلج لا تحملنا زريه=مير اشوفك يالبناخي مرخي(ن) فيه الحبالي

المشاركة الأصلية كتبت بواسطة مضحي بن جمران

نارنا من ناركم ياشاعمين النار حيه=يفتخر من له عروق في صناديد الرجالي
والله اني مانويت اخطي واحملك الخطيه=والاجابه جتك ياخالي على قد السؤالي

المشاركة الأصلية كتبت بواسطة حسين المعمري

نعم فيكم ياحمول الخيل ياكفوف نديه=اسم فيكم زاهي(ن) يالحر مافيها جدالي
لن خلصنا من ديونه ذمتك منا بريه=والا قلها يالبناخي واقضي اديوني لحالي