محمد المسعودي
يامرحبا والحفـل حظـه يباريـه=واللي يجيـب الطيبـه يشتريهـا
ان كان فيصل يعطي الحق راعيه=الكلمـه اللـي قالهـا مانسيـهـا
فيصل الرياحي
دام البقاء للحفل واللي حضر فيه=والطيبـه مايدخـل الشـك فيهـا
بيني وبينك علـم مانـي بناسيـه=حجة شرع ماني بخايـف عليهـا
محمد المسعودي
الفرض حان وطالب الله يصليـه=النـاس للخـلاق ترفـع يديـهـا
مانته مسوي شي ما الله مسويـه=ياقرب راس ام الرسن من يديهـا
فيصل الرياحي
اللي غدا له صقر باسمـه يناديـه=حي الصقور وحي مـن يغتذيهـا
بيني وبين هذيل بعض المشاريـه=وام الرسـن ركابهـا يحتميـهـا
محمد المسعودي
راع الغرض يسرح ويتعب ويمديه=وليـا وصـل ميعادهـا يحتريهـا
العذر من مثلك على صدق يكفيـه=لكـن قفـت والدهـر مقتفيـهـا
فيصل الرياحي
خل المسافر يطلـب الله ويعطيـه=والعزوه اللـي تعجبـه يعتزيهـا
بيني وبينك حق من عنـد قاضيـه=واللي نطق لـه كلمـة يحتميهـا