ماجور ياسلطان بن عبدالعزيز ابن سعود = يامير ترقبك القصايد شوق يامفقوها
والدار والحيان ضباط الكتايب والجنود= والبسمه اللي تحتري بقدومكم مولودها
والجود يوم الجود بيت وكف يمناك العمود =ليا بعد كل البيوت لينقفل بالودها
الجود من عقبك مريض يسود ولا مايسود = يبن الملوك اللي خذت بالسيف ترث اجدودها
الاوله والثانيه والثالثه رغم الحسود= الله وتاريخ الجزيره والعباد اشهودها
ما تتقي شمس الفضى ولا تغيب من الوجود = الى يبدد فجرها غبش اليال وسودها
حكامنا عون الضعيف اللي عساهم بالوجود= من غيرهم لا ضاقت الدنيا نجي ونرودها
طهور ماباس عليك الشر جعله مايعود = العافيه يامير وانته كل يوم بزودها
يامير جعل اللي لياضاقت تنصوه الوفود = حط الحمول اعن الجمال ليا فتر مجهودها
يبقى على البيدى منه لوشخص واحد مايزود =بابه مثل بابك وكفه مثل كفك جودها
ليا شقيق الحاتمي يبي يغطي بالوجود = شح البخيل بخزنته وليا نفد موجودها
كيريم يا براق وسمي السحايب والرعود= اللي ليا هلت تضيق الارض في مردودها
ليابيوت الشعر اشيدي بالكريم اللي يجود=لوغاب عنا طيبته ماتقدرين اجحودها
عسى نشوفك ياطويل العمر والعود محمود = طيب تحييك الجيوش اللي تصف اجنودها