ماعاد لي بملاوع الصبر طاقه=اطيق بعض احيان واحيان ما طيق
قلبي من اللوعات جاوز نطاقه=ابعد مدى لافاق صبر المخاليق
كل ما فتحت لطيف الآمال طاقه=تقفلت يالله دخيلك عن الضيق
بيني وبين الحزن طارف علاقه=اقله اقوى شوي من نشفة الريق
مابيه لكنه عشقني عشاقه=اسايسه ويحدني حد لطويق
تقول ما غيري من الخلق شاقه=غادٍ لقلبي من حساب المعاليق
او مثل حرٍ زاوي السبق عاقه=الحزن وهموم الليالي مسابيق