مادمت من ربع ٍ مشاكيل وقروم=دخيلهم يبشر بامان وحميه
نشكي عليك الحال ياجيد القوم=رجال منصف ماتجيب الخطيه
ياحسين دنيانا بها طبع مشؤم= لو سرتك يومين تبكيك ميه
من عاش فيها ثم ماقال محروم=اكذبه لوهو عزيز ٍ عليه
سبعين بالميه من الناس مضيوم=ذولا ضحايا ودّ بين البريه
كم غربلتني من عداوات وهموم=وكم بيحت لي من سدود ٍ قويه
ضاقت عليه كنها درب بالعوم=ثم كشرت بالنيابها والثنيه
في درب مسبوره ومزروعه لغوّم=من ناس ردة فعل الاحسان سيه
والوقت مايبقى من الطيب معدوم=لو كان فيه اجناس قشران نيه
واللي يساوي صقر شيهان بالبوّم=هذي غشامة قلب واكبر بليه
والله يجيرك من شقا ضل يحموم=في يوم جمع الناس مافيه زيه
والخط ما جالك على ضرف مختوم= في منتدى واضح بشاشه نقيه