هذه قصيدة الشاعر خالد الاحمدي=

ماسوته غارات في حـرب فتنـام=صاير بقلبي من ظـروف الليالـي
يانـدا عينـي لهـا وقـت متنـام=اسهر على شانـه وحيـداً لحالـي
الصاحب اللي كمل اليوم لـه عـام=مابـادر بمسيـار ولاّ اتصـالـي
ادعج غنج عرقه من الفرس والشام=زايد على زينـه حسيـن الدلالـي
ولو شفت جوالي بذاكـرة الارقـام=أول رقـم رقمـه وغيـره توالـي
وشلون يجزا مدة الطيـب بجـرام=ويحدنـي للهم ويعيـش سـالـي
والجور ماجازه لنا ديـن الاسـلام=وحدد لنا وشهـو حـرام وحلالـي
واقولها وابصـم عليهـا بالابهـام=انك وفي عندي على القلب غالـي
شهم ٍ ولا يرضيك صاحبك ينضـام=منك المشوره تنصـرف كالريالـي

الرد:نداء الغيداني=

لجاتك الغارات سو مثل صدام=اللي تصدا للدول مايبالي
وعين السهر يامشتكي منه ماتلام=النوم ماله في مساها مجالي
لاتلومها لو واصلت خمسة ايام=مادام ماشافت غريب الجمالي
والصاحب اللي صابك بهم واهيام=ماهو على مثلك صعيب المنالي
مادام جواله معك ليش الاوهام=كلم عليه وعلمه بالحوالي
يمكن هرج مابينكم شخص نمام=اللي يفرق بين غالي وغالي
وانا معك يالاحمدي وامش قدام=اسعى لحالك مثل مااسعى لحالي
في خدمتك لابد مانسهم اسهام=بالجاه وادفع لاجلكم راس مالي
اطلب تجد ماتطلبه يابن الاكرام=مانعتذرلك يالرفيق الموالي
مادام جواله معك ليش الاوهام=كلم عليه وعلمه بالحوالي