الدنيا كفانا الله شرها حلوة مرة ، بل إن مرارها يفوق حلاوتها أضعافاً مضاعفة وأكثر حصادها خسر وهموم وتعب وشقاء إلا ما كان لله تعالى ، وكل ما زاد المرء في طلبها كلما زاد همه وشقاه وهي ملاعب لشياطين الجن والأنس ومحبوبة للباغين فيها بحيث يتحينون فيها الحجج والفرص الواهية التي يذهبون فيها بحقوق الآخرين ، نسأل الله عز وجل أن يزودن منها السلامة والقناعة ويرينا الحق حق ويرزقنا إتباعه ويرينا البطل باطل ويرزقنا اجتنابه ويجعلنا من الراشدين .
يا سعود أمسى قلب العنا بالهم ملهود=ولا يصرف أمر الله ويعدله غير الله
أيامنا تحدّى بالكود والعمر فيها محدود=دنيا خلقها الله وحكم غيبها عند الله
إن صارالحض المقرود بدنياه محسود=وإن قلت على الله قالوا اعقوبةٍ من الله
وإن جاء الزمن معدود أيامه تجي سود=وحنا وأياها خلق الله وأمرنا بيد الله
ولا ندري وش المقصود إن كرّت بصدود=ما يحلها إلا الله ولاشيء غير الله
وأن طولت أيام ومدود ننتظرها باللين تعود=عسى يفرجها الله وتصير بأمان الله
وإن عمست بردود يحلها ربٍ موجود=وإن ماحلها الله أشكي مكرها على الله
أشكيها على المعبود رب الكرم والجود=وإن ماشكيت على الله من يشفع غير الله
نفسي في صعود عن أهل الزاد المزهود=وإن ما عزها الله وش فائدة خلق الله
ما ينفع حدً محدود لو صار بقصود=وإن مابارك الله مايشبع العبد لوسخاله عبد الله
وإن ما جاتنا بصدوق نجاملها بحدود=ونطلب عون الله ولا تيسير إلا من الله
ما يعلم غائب السود إلا الرب المعبود=علمها عند الله ولا معارض لأمر الله
وأن كبرت بحسود نترك سبيلها ونعود=ونطلب العوض من الله والخير عند الله
كل ما كان محشود له طلاب ورأي معقود=والتساهيل بيد الله ولا يعز غيرالله
وإن جوك يا سعود أهل الحجج بعقود=عارضهم بتقوى الله ولا تخشى غير الله
وأن نشبوا في سدود والرأي مشدود=حدهم بدين الله ولا تطمع في غير الله
سعد بن نفاع الحربي