مـاجـور يـاقـلـب هـمـومـه تـهـزّه=هزالـزلازل للـمـبـان الـعـزازي
هـمـ(ن) يـروده كـل وقـت وحـزه=واصـبـح عـن الـراحـه دلـوه وعـازي
سـاق وتـسـاقـا بـالـضـمـايـر ولـزه=دقـه بـقـلـبـي مـثـل دق الـقـزازي
واسـبـاب مـاضـيـق ضـمـيـري وحـزه=اربـوعـنـا شـنـوا عـلـيـنـا مـغـازي
الـكـل يـسـمـع مـن قـريـنِ يـوزه=صـدق كـلام ابـلـيـس راع الـمـخـازي
وابـلـيـس حـبـل الـود هـيـمـن وجـزه=وسـاس الـمـوده صـار فـيـه اهـتـزازي
هـذا جـفـا هـذا وخـشـمـه يـرزه=ويـقـول انـا الـطـيـب ولالـي مـوازي
والـطـيـب سـلـعـة طـيـب مـسـتـخـزه=مـاكـل من هـامـه نـجـح بـه وفـازي
والـرجـل لـو كـلـ(ن) بـغـى يـسـتـفـزه=يـعـرف نـوايـا كـل شـخـص انـتـهـازي
يـعـرف هـدف من دم الاجـواد مـزه=اللي بـعـرفـه كـل هـرجـ(ن) مـجـازي
الـرجـل دربـه للـمـعـالـي يـقـزه=وعـن الـردى دايـم يـصـيـر انـحـيـازي
من طـاوع الـنـاس الـبـغـيـضـه تـدزه=بـنـحـور عـسـرات الامـور الـعـجـازي
تـبـقـى حـيـاته بالـنـكـد مـشـمـئـزه=ويـعـيـش بالـدنـيـا حـقـيـر وخـازي
والحـر مايـشـبـه مـخـامـيـر وزه=عـن الـطـيـور الـبـرق فـيـه امـتـيـازي
لاحـسـه الـحـاسوس طـار وتـنـزه=والا رقـا روس الـجـبـال الـنـوازي
وبـعـد عـن اللي مـايودك مـعـزه=لـوعـشـت فـي دار غـريـب ونـازي