والله اني مارجيتك وانا محتاجي= كيف ابرجع واترجى بليا حاجه
ياضعيف العرف مامنهجك منهاجي=الردى والطيب مايتفق منهاجه
انت في قلبك مرض من قديم لاجي=في جميع الكون يصعب عليك علاجه
الحسد والبغض لك ميزة وانتاجي=من حليب امك مصادر جميع انتاجه
مار لاتشره على العز يالهلباجي=دام تمشي لك على سيرة منعاجه
لو عمامك فوق راسك تحط التاجي=ماخضعت الراس للي يغره تاجه
اعرف المدخال وقرر المخراجي=قبل ماشين النوايا يرف حجاجه
واحفظ الاسرار مافرح الهراجي=مخزن الاسرار محكوم في مزلاجه
لو خبيث القلب حاول يزيد احراجي=مافرح بالعلم يبغى يعود ادراجه