ليل الدجى يضفي على الشوق حرقه=والفكر في بحر الهواجيس غـارق
والقلب نبضـه زاد والعلـم درقـه=من واحدٍ زينه على الزيـن فـارق
رغم ان شوفة متلف الروح سرقـه=كني فتحت الاندلـس يـوم طـارق
خًير جيوشه بيـن نشـوه وغرقـه=واختاروا احراق السفن والـزوارق
ويوم اعتلج في جو مدريـد برقـه=طاحت بيـارق واستعـزت بيـارق
للصـارم ادلايـه وللرمـح زرقـه=وملاوع الفريـس مابـه مـدارق
اما على وضح النقى بـان فرقـه=ولاَ غشاه اللـوم مـع كـل بـارق
والضلع لاجـاوب تباريـح ورقـه=لولا الصدى قالوا من السلم مـارق
وان كان لك قدره على الشامخ ارقه=ياللي ذكاك مـع الذكييـن خـارق
وغصن النوامي يردعه طيب عرقه=لومانت بعيوني على الكون شـارق
واللي بكبده مـر والحلـق شرقـه=عند الطبيب علاج كـل الحـوارق
والكون لاساويـت غربـه بشرقـه=يضحك عليك اللي يعرف الفـوارق