المشاركة الأصلية كتبت بواسطة علي هليل الحربي

سألتني يا زيـد سـؤال محْـرِجْ=عن الغَزَلْ و اعطيته الاسم: "خاثر"
و اقول لك معاد للخيـل مسْـرِجْ=في عمرنا هـذا نحـب الدكاتـر
ارفق على عودٍ بممشـاه يعـرج=و عساه ما يصبح مع الوقت حاسر
لوني شبابٍ كان اجاوبك و اهْـرِجْ=و يمكن أزودهـا بذكـر المآثـر
لا شك في عمري عسى الله يفرجْ=كل متحرِّك صـار بالجسـم داثـر

للقافيـه شاعـر وللشـارده درج=الشعـر واجـد والجديـد متكاثـر
من بينهم شفت الصييفي على برج=يجمع مـن الإبـداع كـل متناثـر
اصغيت له بانصات لو موقفي حرج=الحظ طيب ما بعـد صـار عاثـر
إلاا مع اللي لا ظهر تطفي السرج=اللي علومي مـن غيابـه شعاثـر
هـذاك كنـي ناقـلٍ داب بالخـرج=من سبته شيبي على الراس كاثـر